आभाळा आभाळा…
भावगीत …
भिजव अंबर चिंब वसुंधरा ….
आभाळ गर्भात, विजाडती कळा
बहरे उदरी , सागराचा मळा
हालचाली आत, प्रसवता तळा …
आभाळ आभाळ ये दाटुनी जरा ….
भिजव शिखर भिजव शिवार
भिजव पहाट भिजव दुपार
पाखरांसवे करू चिंब विहार …
आभाळ आभाळ ये दाटुनी जरा ….
आम्हा लपेटून , भिजव तू जरा
दोघे होऊ एक, मिटून अंतरा
मी तुझा गुलाब तू माझी मोगरा …
आभाळ आभाळ ये दाटुनी जरा ….
भिजव अंबर चिंब वसुंधरा ….
-प्रवीण बाबूलाल हटकर .
