….
अकोल्याचा पहा ! अजब विकास !
उजाड भकास ! परिसर !!
अकोला खड्यात ! कि जिल्हा खड्यात !
सर्वेच पेचात ! पडलेत !!
घाणीचेच झाले ! रे माहेर घर !
भेटीला आहेर ! रोगराई !!
ट्राफिक सिग्नल ! चालू कधी बंद !
चाले अंदाधुंद ! कारभार !!
पिण्यासाठी आहे ! की हे सांडपाणी !
येई आकलनी ! ना कुणाच्या !!
कुठे तोडफोड ! कुठे मारझोड !
कुठे वृक्ष तोड ! चाललेली !!
कुणाच्या झोळीत ! रे उद्योगधंदे !
नी झोळीत छिद्रे ! अकोल्याच्या !!
कुठे हा विकास ! कारखान्यासाठी !
रे स्वच्छतेसाठी ! अकोल्याचा !!
कोठे शोधू आता ! अकोला विकास !
कुणा हा विश्वास ! ठेऊ आता !!
राजकारण वा ! समाजकारण !
स्वार्थाचे धोरण ! अकोल्यात !!
(अभंग )
- प्रवीण बाबूलाल हटकर
