अभंग...

देवा गजानना! गुरु गजानना!
प्रगटुनी जना! उद्धारिले!!

वेश अवलिया! दिव्यसा चेहरा!
प्रेमरूपी झरा! अंतरीला!!

ब्रम्हांड नायक! शेगावीचा राणा!
एकतेचा बाणा! मंत्र तुझा!!

अन्न पूर्ण ब्रम्ह:! सांगून महत्व!
पाळूनिया तत्व! सुखी जो तो!!

एक एक गण! गणात बोवूनी!
भजन गावूनी! दंग होऊ!!

तुझ्यात आनंद! अंतरी स्वानंद!
बा... परमानंद! मिळे आम्हा!!

जाणतो प्रवीण! बाबा तुझा मार्ग!
एक धर्म स्वर्ग! एकतेचा!!
-प्रवीण(डेबुजी) हटकर.

अभंग...

कृष्ण कृष्ण कृष्ण! मन झाले कृष्ण!

मिटलेया प्रश्न! नाम घेता!!

कोणी म्हणे कान्हा! कुणी नंदलाला!

रे मुरारीवाला! कुणी म्हणे!!

हा ... माखनचोर! आहे चितचोर!

गोकुळ चा पोर! कुणी बोले!!

प्रेमळ स्वभाव! तेजस्वी प्रभाव!

प्रेमरूपी भाव! देवा तुझा!!

मुरारी वाजून! गोपिया दंगती!

रंगात रंगती! मनोभावे!!

प्रेमाच प्रतिक! शुभसा स्वस्तिक!

प्रेमळ आस्तिक! तूची आम्हा!!

हाती सुदर्शन! असुर वधाया!

जगी पोहचाया! शांती शांती!

शिरी मोरपंख! प्रेमरूपी काय!

जगी पसराया! प्रेमरस!!

राधा राधा राधा! कृष्ण कृष्ण कृष्ण!

झाले राधेकृष्ण! एकरूप!!

मीराच्या भक्तीने! आला दुजा युग!

अदभूत योग! घडविला!

प्रवीण बघतो! किरण तुझ्यात!

प्रेम अंतरात! रुजुनिया!!

प्रवीण भजतो! राधेकृष्ण नाम!

आहे प्रेम-धाम! तुझ्या ठायी!!

-प्रवीण(डेबुजी) हटकर. 

भगवान कृष्ण जन्माष्टमीच्या आपणा सर्वाना प्रेमळ शुभेच्छा!!

राधेकृष्ण...

अभंग...

विठू माझा गुरु! ज्ञान कल्पतरू!
नाम तुझ्या सुरु! सद्कार्य!!

विठू सुखकर्ता!विठू विघ्नहर्ता!
तै नाम स्मरता! सुखावितो!!

विठ्ठल विठ्ठल! जप अंतरित!
मन सुहासित! कस्तुरीसी!!

विठ्ठला भजावे! निर्मळ निर्माल्य!
जीवन साफल्य! तै होयील!!

प्रवीण रचतो! विठ्ठल चरणी!
जावून शरणी! बा... अभंग !!
-प्रवीण(डेबुजी) हटकर.

निसर्ग रचना...
मानव जिंकला! मानव जिंकला!
मात निसर्गाला !  देता देता!!

शेत वनराई ! नामशेष नग!
सिमेंटचे जग! झाले आज !!

नैसर्गिक अता! संपला पाऊस!
कृत्रिम पाऊस! पाडलाय!!

चंद्रावर जाता! ना दिसे हिरवे!
दिसले प्लास्टीके! पृथ्वीवर!!

मोठमोठी पूल! केली कारखाने!
नि वृक्षतोडीने! शक्य झाले!!

निसर्ग नियम! पाळता पाळता!
नियमात अता! निसर्ग हा!!

जाग रे  मानवा! जै झालेय हिंस्र!
तै झालेय भस्म! ऐक राजा!

डायनोसोर नि! मोठ मोठे प्राणी!
तै यमसदनी! झाले नष्ट!!

तुझा मूर्खपणा! तुज नडतोय!
भूकंप येतोय! नि सुनामी!

मानवा जाण... तू! निसर्ग घटक!
ना आहे जनक! निसर्गाचा!!

निसर्ग नियम! प्रवीण जाणतो!
प्रवीण जपतो! निसर्गासी!!

-प्रवीण(डेबुजी) हटकर.

 

गझल...

जाळतो हा श्वास आहे

ना तुझ्या सहवास आहे

आठव प्रिये भेटण्या मी
चुकविलेला तास आहे

एकतर्फी  प्रेम म्हणजे

जन्म कारावास आहे

ताट आहे वाढलेले
नेमका उपवास आहे

संत तत्वे पळताना
आज सर्वा त्रास आहे

प्रवीण(डेबुजी) हटकर.
अकोला
8055213281

अभंग...

पांडुरंग पांडुरंग ! नाम तुझे घेता दंग!
 तन मन सप्तरंग ! रंगीयले!!

दर्शनाची तळमळ! वारकरी धावपळ!
भाव-तरंग निर्मळ! उमटले!!

विठू मज दिसतोय! गालामधी हसतोय!
नजरेत दावतोय! दिव्य-तेज!!

विठ्ठल नामात दंग! प्रवीण रचे अभंग!
उधळून शब्द-रंग! हर्शियतो!!

-प्रवीण(डेबुजी) हटकर.

अभंग...

धाव विठू देवा! विठू देवा धाव!
 संकटात पाव! आज भक्ता!!

मी रे वारकरी!! पंढरी निघालो!!
गाव-गाव आलो! फिरूनिया!!

वरून राजाची! न तमा आम्हासी!
तुझ्या दर्शनासी!! ओढ आम्हा!!

विठ्ठल विठ्ठल! नाम जपुनिया!!
दंग-दंगुनिया! वारकरी!!

सुखावतो तुझ्या! रंगुनी रंगतो!
नामात जगतो!! विठूराया!!

प्रवीण मी झालो! नाम तुझे घेता!!
स्वानंद जाणता!! तुझ्या ठाई!!

-प्रवीण(डेबुजी) हटकर.