नवा दाखवाया , इतिहास ……
छळ बलात्कार ! व विनयभंग !
वासनेचा भोग ! तुझ्या नावे !!
मनोरंजनाचे ! झाली तू साधन !
अंती जळतन ! तुझ्या नावे !!
बा… तुझा वापर ! शरीर भोगण्या !
काटे व टाचण्या ! तुझ्या नावे !!
उठ आता उठ ! संघर्ष कराया !
नवा दाखवाया ! इतिहास !!
हाती तलवार ! लढलीया झाशी !
ना झालीया दाशी ! दुष्मनांची !!
मुलास बांधून ! पाठीवर राणी !
इंग्रजास पाणी ! पाजलेया !!
राज्य संकटात ! धावुनी आल्यात !
अहिल्या ताफ्यात ! स्त्रियासह !!
कालीराम जसा ! अचंबित झाला !
अहिलेस आला ! बा … शरण !!
सुनिता झालीया ! अंतराळ वीर !
मल्लेश्वरी शूर ! जगती या !!
सावित्री घेता तू ! लेखणीस हाती !
स्त्री शिक्षण क्रांती ! घडवली !!
घडतो शिवबा ! जिजाऊ मुळेच !
दिसे त्यामुळेच ! बा… स्वराज्य !!
करुणेची देवी ! दुर्गा जगदंबा !
अत्याचारी खंबा ! तू तोडावा !!
आई होऊनिया ! घर सांभाळशी !
देश सांभाळशी ! शस्र घेता !!
स्व: रक्षणासी ! तू व्हावी जागृत !
तोडूनी विकृत ! हिंसाचारा !!
तूच आहे तुझी ! शिल्पकार जगी !
बाकी आहे ढोंगी ! गा… बाजार !!
आई आत्या आजी ! बहिण वहिनी !
जीवन संगिनी ! व मुलगी !!
नाते तुझे जसे ! तू तसे जपसी !
माउली जपसी ! बंधने तू !!
महिला दिनाच्या हार्दिक शुभेच्छा ……….
(अभंग … )
-प्रवीण बाबूलाल हटकर .
