विचारांचे रोप, अंतरी लावून…
विचारांचे चक्र! फिरुनी अंतरी!
घुटमळ तरी! मनात का!!
विचार उलटे! विचार फुलटे!
विचार पलटे! ऐन वेळी!!
विचार ऐकुणी! विचार बोलती!
पाठपुरावा... ती! नाच करी!!
विचार करावा! सुयोग्य निर्मळ!
असावा प्रेमळ! भाव त्याचा!
विचारांचे पार्श्व ! आकलन विश्व !
धावतोय अश्व ! सदाचारी !!
विचार सामर्थ्य! विचार कर्मार्
व्हावे परमार्थ! विचारांत!!
विचार तू कर! विचार करुनी!
विचार मांडुनी! तू जगावे!!
विचारांचे रोप! अंतरी लावून!
वैश्विक होवून! तू फुलावे!!
विचारी तू व्हावे! त्यावर जगावे!
व्यर्थ नाच द्यावे! प्रवचन!!
प्रवीण विचार! आचार प्रचार!
व्हावा सदाचार! कृतीतुनी!!
- प्रवीण बाबूलाल हटकर
