// गण गण गणात बोते //
एके दिशी बाबा ! भक्ता संगे आले!
'शीवर'ही झाले! धन्य धन्य!
वज्रभूषण हे! पहाटेच्या वेळी!
अर्ध्य देई तळी! सूर्यास हो!
तेव्हड्यात बाबा! आलेत समोर!
भावूक विभोर! वज्र झाले!
बाबांच्या चरणी! अर्द्यास देवून!
आरती पूजन! केले त्यांनी!
मज मिळे आज! तपचर्या फळ!
अदभूत वेळ! धन्य झालो!
हे जगदीश्वरा! कृपा मज करा!
कल्याण सागरा! मार्ग दावा!
बाबांनी 'भूषणा'! आलिंगन दिले!
मायेत नाहले! मावूलीच्या!
मस्तकी ठेविला! 'भूषण'च्या हात!
करशील मात! दुराचारी!
कर्म मार्ग केले! रहस्य कथन!
स्वातंत्र्य मनन! मनी सदा!
बाबांचे वचन! सार्थक ठरले!
सर्वत्र जहाले! नाम त्यांचे!
स्वातंत्र्य सेनानी! उठावाचे झाले!
नेतृत्वात केले! कार्य मोठे!
प्रवीण सांगतो! बाबा तुझा हात!
सत्य कर्म जात! फिरे सदा!
मायेची मावुली! प्रेमळ सावली!
नामात गावली! गजानना!
*श्री गजानन जय गजानन*
-प्रवीण(डेबुजी) हटकर.
No comments:
Post a Comment