अभंग
साई गजानन संस्थेमार्फत होऊ घातलेल्या वारीस...

साई गजानन ! गुरु गजानन !
जय गजानन ! दिगंबरा !!

रौप्य महोत्सव ! क्षण भक्तिमय !
नि संगीतमय ! भाव विश्व !!

स्थळ एरोंडोल ! निघालेया जन !
वारकरी गण ! शेगावीसी !!

एका गाभार्यात ! दिव्य संत दोन !
साई-गजानन ! नमो नम: !!

एक रूप साई ! एक गजानन !
संत झाले दोन ! एकरूप !!

कुणी बोले साई ! कुणी गजानन !
साई गजानन ! कुणी बोले !!

पहा भक्तमळा ! लाखोंनी फुलला !
एकेक जुडला ! दिंडी मध्ये !!

भक्ती सागर हा ! जसा ओथंबला !
नि पार बुडाला !! भक्तीमध्ये !!

मुक्काम ठिकाण ! आहे विटनेर !
आणि जामनेर ! मागोमाग !!

पुढे बोधवड ! बा... मलकापूर !
नांदुरा आगर ! नी शेगाव !!

दिनचर्या पहा ! काकड आरती !
बाबांची आरती ! पहाटेला !!

तास भर जप ! पुन्हा पायीवारी !
मध्यांग प्रहरी ! प्रसाद हो... !!

नंतर सत्संग ! अद्वितीय क्षण !
मनन चिंतन ! विचारांची !!

पुन्हा पायीवारी ! भक्तीचा गजर !
स्वागत आदर ! लाभे पुढे !!

नाचत वाजत ! जल्लोष करीत !
भक्ती सागरात ! भक्त जुडे !!

सांज च्या पहारी ! मुक्काम ठिकाणी !
गण वारकरी ! पोहोचती !!


चालती सत्संग ! भजन कीर्तन !
लाभे समाधान ! भाविकास !!

बाबांच्या कार्याचा ! करिती उजाळा !
भाविक सोहळा ! दंग होई !!

अन्नाचे महत्व ! दिव्यात्म दिव्यत्व !
जीवन महत्व ! सत्संगात !!

एक एक गण ! गणात बोवून !
धर्म पटवून ! एकतेचा !!

बा.. प्रगट स्थळी ! पोहचे पर्यंत !
हीच अविरत ! दिनचर्या !!

वारीचे महत्व ! थोडक्यात जाणू !
गण गण आणू ! जोडूनिया !!

संकेतस्थळ ते ! ह्या प्रकाटस्थळी !
बा... विना अंघोळी ! प्रवासती !!
  
विना अंघोळ ही ! भक्त करी वारी !
'धूळफेक' खरी ! घेउनिया !!

वर्षात अश्व ना ! हात लावू देई !
हात लाऊ देई ! ऐन वारी !!

बा.. अभूतपूर्व ! दिनी अश्व शांत !
बाबा कृपावंत ! तुझी लिला !!
 
नांदुरा पासून ! काढून लगाम !
शेगावी या धाम ! अश्व येई !!

वैशिष्ट वारीचे ! एक परिधान !
एक रंग मान ! भगव्याचा !!

एक नाम मुखी ! ब्रम्हांड नायक !
पूजती सेवक ! मनोभावे !!

"साई गजानन" ! संस्थेच्या मार्फत !
दिंडी हि विश्वात ! मोठी आहे !!

प्रवीण सामर्थ्य ! जागविले मन !
साई गजानन ! नमो नम: !!

-प्रवीण बाबूलाल हटकर.
मु. पो. ता. बार्शीटाकळी,
अकोला.
मो. ८०५५२१३२८१