- गझल -

विठ्ठल

जागतो विठ्ठल, जाणतो विठ्ठल
अंतरी माझ्या नांदतो विठ्ठल

प्राण तू झाला, श्वास तू झाला
स्पंदनी दरवळ वाहतो विठ्ठल

माऊली तोची... ह्या जगी अवघ्या
पंढरी काशी, राहतो विठ्ठल

झाड तू देवा, मूळ तू देवा
रूप ब्रम्हांडी... पाहतो विठ्ठल

वादळे... येता, तू दिली छाया
संकटी आम्हा... तारतो विठ्ठल

बाप तू आहे, माय तू आहे
बा... तुझ्या चरणी, दंगतो विठ्ठल

सावळ्या रंगी, बा... तुझ्या नामे
रंगतो विठ्ठल, नाचतो विठ्ठल

चित्त हे निर्मळ, भावना सुंदर...
जीवलग भक्ता, पावतो विठ्ठल

पंढरी जागृत, हे कृपावंता !
तुज...दयावंता, वंदतो विठ्ठल
 
माझिया भक्ती, आपली शक्ती
एकरूप होता, रंगतो विठ्ठल

श्री हरी विठ्ठल, जय हरी विठ्ठल
भजन मी गाता, हासतो विठ्ठल

-प्रवीण बाबुलाल हटकर.
मो: ८०५५२१३२८१
अकोला.