अभंग...

तुळजापुरची! हे भवानीमाता!

देवी आदी माता! तुझं नमो!!

जगत जननी! जगत कल्याणी!

प्राण- संजीवनी! तुझं नमो!!

शिवबा शरण! पाठीवर हात!

दुष्मनाना मात! मिळविली!!

महाराष्ट्रावर!  तुझी कृपा दृष्टी!

जपलीया सृष्टी!  मराठ्यांची!!

रे.. जय भवानी! रे... जय शिवाजी!

जय घोष जी...  जी...! उठलाय!!

आशीर्वाद तुझा! मर्द मराठ्यांना!

आम्हास वीरांना! अभय दे!!

आशेचे किरण! प्रवीण बघतो!

मराठा जगतो! तुझ्या ठायी!!

-प्रवीण(डेबुजी) हटकर.

अभंग...
           "दिव्यज्योत"
हे देवाधी देवा! श्री शिव शंकरा!
स्वामी राजेश्वरा! तुझं नमो!!

देवा घ्रुनेश्वारा! भोले रामेश्वरा!
हे ओम्कारेश्वारा! तुझं नमो!!

तुझ्या सेवेसाठी! दिन रात नंदी!
गळ्यात स्वानंदी! नागराज!!

केशातून गंगा! भू-लोकी सोडिले!
जन उद्धारीले! महादेवा!!

आक्राळ विक्राळ! रूप रुद्रियले!
असुरा वधिले! भक्तासाठी!!

ओंकार हुंकार! कण-ब्रम्हांडात!
खंड-अखंडात! तू- रुपिला!!

बघतो प्रवीण! किरण तुझ्यात!
उजळे पिंडात! दिव्यज्योत!!

-प्रवीण(डेबुजी) हटकर.


 

अभंग...

गजानन बाबा! स्वामी गजानन!
रे नंदनवन! रूप-तुझे!!


हे देवाधिदेवा! शेगावीचा राणा!
तुझा एकी बाणा! एकतेचा!!

तूची सर्वेसर्वा! अनंत-अनंता!
तूची दिगवंता! दिगंबरा!!

जोडीयले जन! मंत्र  गण-गण!
गणात  बोलून! रुजविले!!

श्री गजाननासी! भक्ती अर्पियली!
ज्योत उजळली! भावपूर्ण!!

प्रवीण जाणतो! बाबा तुझा मार्ग!
सद्कार्य स्वर्ग!! कर्मातुनी!!
प्रवीण(डेबुजी) हटकर.

अभंग...
विठू तूच माझा! सखा जिवलग!
आहे नातलग! अंतरीचा!

तुझ्या दर्शनाला! येती वारकरी!
गावोगाव करी! पायीवारी!!

विटेवरी उभा! हात कमरेत!
तेज नजरेत! मावूलीच्या!!

ममतेची मूर्ती! वात्सल्याची काया!
विठू तुझी माया! राहो सदा!

विठू तू जगाचा! रे पालन कर्ता!
कर्म सुखकर्ता! सदोदित!!

विठ्ठल विठ्ठल! हरी पांडुरंग!
तन-मन रंग! तुझ्या ठाई!!

प्रवीण विठ्ठल! स्मरोनी पुजतो!
अंतरी जागतो! भाव-नवा!!
 प्रवीण(डेबुजी) हटकर.
 

अभंग ...
शिव माझे शंभू! तूची भोलेनाथ!
अनाथांचा नाथ! पितामहा!!

समुस्द्र-मंथन! हलाहल आले!
प्राशानही केले! नीलांबरा!

 हे देवाधिदेव! प्रभू महादेवा!
अर्पियतो सेवा! स्वीकारावी!

मी मूर्ख अजाण! मुळात पाषाण!
कर्मात सुजाण! बनवावे!

तुझ्या नाम भक्ती! तुझ्या नाम उक्ती!
सत्य-कर्म शक्ती! मज द्यावी!

रूप महाकाय! रुद्र अवतार!
नृत्य अविष्कार! नटरंगा!!


प्रवीण पुजतो! शिव मंत्र जाप!
सद्कार्म माप! दळूनिया!!

प्रवीण(डेबुजी) हटकर.

एक जाणीव...

तू पौर्णिमेचा चंद्र आहे 

मी चकोर तुझ्या आसेचा 

तू मदमस्त बहरलेला कमळ 

मी चिखल तुझ्या सहवासाचा..

प्रवीण(डेबुजी) हटकर.

अभंग... "संत-नाम"
विठ्ठल मावुली! मावुली जगाची!
सावली मायेची! तुझ्या ठाई!!

बाबा तुझ्या-भेटी! रे शेगावीहून!
आलाय घेवून! भक्ती-रस!

पंढरपूरला! भक्त गोतावळा!
रंगतोय मळा! भावपूर्ण!!

पालखी निघाली! गाव-गावातून!
निघे मनातून! नाम-विठू!

गजानन बाबा! भेटुनी विठूला!
दिव्य संगमाला! नेत्र-दीपे!!

वारकरी संगे! चाले आज बाबा!
पंढरीचा राजा! दर्शनाला!!

प्रवीण जाणतो! सार्थक जाहले!
जीवन वाहले! संत-नाम!!

प्रवीण(डेबुजी) हटकर.