अभंग... "संत-नाम"
विठ्ठल मावुली! मावुली जगाची!
सावली मायेची! तुझ्या ठाई!!

बाबा तुझ्या-भेटी! रे शेगावीहून!
आलाय घेवून! भक्ती-रस!

पंढरपूरला! भक्त गोतावळा!
रंगतोय मळा! भावपूर्ण!!

पालखी निघाली! गाव-गावातून!
निघे मनातून! नाम-विठू!

गजानन बाबा! भेटुनी विठूला!
दिव्य संगमाला! नेत्र-दीपे!!

वारकरी संगे! चाले आज बाबा!
पंढरीचा राजा! दर्शनाला!!

प्रवीण जाणतो! सार्थक जाहले!
जीवन वाहले! संत-नाम!!

प्रवीण(डेबुजी) हटकर.