गझल

श्वासास जागुनी भेट तू …
म्रुत्यूस चुकवुनी भेट तू …

एकांत जर हवा सोबती
हृदयात येउनी भेट तू …

भेटायचे तुला जर मला
देहास टाळुनी भेट तू …

तीर्ढी प्रवीणची सजवली
चल सरण होऊनी भेट तू …

जाणायचा तुला विरह जर
पानगळ होऊनी भेट तू …

माणूस शोधण्या ह्या युगी 
मुखवटे काढुनी  भेट तू … …

- प्रवीण बाबूलाल हटकर . 

मथल्यासह शेर ….
-  u  -  -  -  -  -

आठवांची रड आहे
काळजां धडधड आहे …

मुक्त व्हावे तू जीवा
श्वास तर जोखड आहे …

-प्रवीण बाबूलाल हटकर

मोगऱ्याची पाकळी तू
गुंततो मी ,  साखळी तू …

शोधतो मी अंबरी  अन
सागराच्याही तळी तू … 

२शेर … 

एक होण्या या समाजा

माणसांना जोडले मी … 

स्वच्छ निर्मळ मुक्त जगण्या 

बंध सारे तोडले मी … 

- प्रवीण बाबूलाल हटकर

एक शेर …

जन्म दाती लेकराचा जीव घेते
मग म्हणावे हीच आई की कसाई …

-प्रवीण बाबूलाल हटकर

एक शेर …

जन्म दाते जीव घेती लेकराचा
कलयुगाचे भेटले आम्हा कसाई ….

-प्रवीण बाबूलाल हटकर 

गझल …

साजनीने सजावे किती ?
ह्या मनाने जळावे किती ?

पाखरानो अता झेप घ्या …
अंबराने झुकावे किती ?

शेकडो यातना अंतरी …
चेहऱ्याने हसावे किती ?

जीवना जाणतो मी खरे …
नशवराने पळावे किती ?

दोस्तहो ! सरण ही बोलले …
ह्या चितेने जळावे किती ?

माणसां एक तू व्हावया
कायद्याने झटावे किती ?

-प्रवीण बाबूलाल हटकर 

गझल
धावतो सुसाट तू
जीवना पिसाट तू …

आठवात संग्रही
काळजा कपात तू

अंधकार मी जणू
मखमली पहाट तू …

झेलतोस वादळे
काळजा अफाट तू …

लीन होउनी असा
जाहला विराट तू …

पांडुरंग मोक्ष अन
एकमात्र वाट तू …

- प्रवीण बाबूलाल हटकर

 मतला व शेर 

मज दिसे कवडसा ना तुझा
जीवना भरवसा ना तुझा …

कृष्ण ऐशू व बुद्धा कसा
भेटला वारसा ना तुझा …

शोधतो पावले अंबरी
भू वरीही ठसा  ना तुझा  …

-प्रवीण बाबूलाल हटकर 

मज दिसे कवडसा ना तुझा
जीवना भरवसा ना तुझा …

कृष्ण ऐशू व बुद्धा कसा
भेटला वारसा ना तुझा …

टाळण्याचा इरादा मला… 
वाटतो फारसा ना तुझा  …

शोधतो पावले अंबरी
भू वरी बघ   ठसा  ना तुझा  …

किती नाजूक मोगरया सारखी 

देखणी साजूक मोगरया सारखी … 

ओळख पाहिजे ! जाणीव पाहिजे !

अस्तित्व पाहिजे ! "स्व"
ताहाचे !!

मी वागतो आहे ! ज्यासी हवा तसा !

पुसूनीया ठसा ! स्वताहाचा !!

जाणिले तयांनी ! हवा त्या स्वरूप !

भेटलो त्या रूप ! सहज त्या !!

कुणी बोले मज ! तू तसे वागावे !
तू तसे असावे ! त्या स्वरूप !!

ह्याला काय वाटे ! त्याला काय वाटे !

उगाचच फाटे ! का / पाडावे !!

मला काय हवे ! मी ठरवणार !

मी घडवणार ! जीवनाला !! 

अस्तित्व हवे ते ! फिनिक्सा प्रमाणे !

फिनिक्सा प्रमाणे ! जगावेत !!

स्व राखेतूनिया ! जन्म घेई असा !

ना कोणीही तसा ! त्या स्वरूप !!

फिनिक्स ओळख ! स्व राखेत जन्म !

जमले आजन्म ! ना कोणास !!

कमळ जन्मतो ! चिखल जागेत !

सुंदर जगात ! ना त्या रूप !!

राणी लक्ष्मीबाई ! रे अहिल्या शूर !
अंतराळ वीर ! सुनिता तू !!

शिवाजीसारखा ! पराक्रमीच ना !!
 चाणक्या सारखा ! ना कुटील !!

प्रेम कृष्णरूप ! शांती बुद्धारूप !
बा … विवेकरूप ! ज्ञानसाठा !!

आगळी वेगळी !  प्रतिमा जयांची !
कीर्ती हो तयांची ! स्व बळाची !!

स्व ओळख दावी ! अस्तित्वाची जान !
कीर्ती हि प्रमाण ! विश्वरूपी !!
अभंग
- प्रवीण बाबूलाल हटकर 

ओळख पाहिजे ! जाणीव पाहिजे !

अस्तित्व पाहिजे ! "स्व"
ताहाचे !!

मी वागतो आहे ! ज्यासी हवा तसा !

पुसूनीया ठसा ! स्वताहाचा !!

जाणिले तयांनी ! हवा त्या स्वरूप !

भेटलो त्या रूप ! सहज त्या !!

कुणी बोले मज ! तू तसे वागावे !
तू तसे असावे ! त्या स्वरूप !!

अस्तित्व हवे ते ! फिनिक्सा प्रमाणे !

फिनिक्सा प्रमाणे ! जगावेत !!

स्व राखेतूनिया ! जन्म घेई असा !

ना कोणीही तसा ! त्या स्वरूप !!

फिनिक्स ओळख ! स्व राखेत जन्म !

जमले आजन्म ! ना कोणास !!

कमळ जन्मतो ! चिखल जागेत !

सुंदर जगात ! ना त्या रूप !!

राणी लक्ष्मीबाई ! रे अहिल्या शूर !
अंतराळ वीर ! सुनिता तू !!

शिवाजीसारखा ! पराक्रमीच ना !!
 चाणक्या सारखा ! ना कुटील !!

प्रेम कृष्णरूप ! शांती बुद्धारूप !
बा … विवेकरूप ! ज्ञानसाठा !!

आगळी वेगळी !  प्रतिमा जयांची !
कीर्ती हो तयांची ! स्व बळाची !!

स्व ओळख दावी ! अस्तित्वाची जान !
कीर्ती हि प्रमाण ! विश्वरूपी !!

- प्रवीण बाबूलाल हटकर 

… गझल …

      तेवढी

झेप घे जगण्याची तेवढी,

पाखरा उडण्याची तेवढी … 

काळजाच्या आडोशास तू ,

राहिली बघण्याची तेवढी … 

जीवनाचा सारी पाठ  हा ,

भोगुनी भरण्याची तेवढी…

मृगजळा आम्हा द्यावी हमी ,
वास्तवी असण्याची तेवढी ….

सुंदर तुझे डोळे बोलती ,
ओठ तर हलण्याची तेवढी …

माणसा…  माणुसकी राहिली,
अंतरी जडण्याची तेवढी  …

- प्रवीण बाबूलाल हटकर .