...गुरु ...
गुरु कोण आहे ! कसे ओळखावे !
कसे पारखावे ! मह्न्तासी !!

गुरुसी जाणणे ! अगदीच सोपे !
गुरु ज्ञान दीपे ! ब्रम्हा परी !!

मुळ  ज्ञानवंत ! नाच शोभिवंत !
जाग जाणिवांत ! जागलेला !!

भावना तयाची ! ज्ञान रुजवावे !
ज्ञान हे वाटावे ! अखंडित !!

गुरूची संगत ! अंगुली जागृत !
सोडूनी विकृत ! हिंसाचार !!

गुरु वाट तुझी ! सत्यार्थ दावितो !
ना कधी दावितो ! असत्याची !!

गुरु हा असावा ! आरशाप्रमाणे !
दाविल्या प्रमाणे ! बा... दिसावे !!

पळसा प्रमाणे  ! असो कीर्तीरूप !
दावी आशारूप ! संकटात !!

-प्रवीण (डेबुजी) हटकर.