अभंग....

ओढ दर्शणाची ! आई सप्तशृंगी !
जो तो रंगी-दंगी ! तुझ्या नाम !!

गडावरी वास ! देवी तुझा ध्यास !
करती प्रवास ! भक्त-मेळा !!

आकाश झुकले ! तुझ्या ग चरणी !
जगत जननी ! तुझं नमो !!

आक्राळ-विक्राळ ! रुपियली काया!
आदी शक्ती माया ! ममतेची !!

आदि-शक्ती कुणा ! दिव्य-शक्ती दिसे !
मज 'आई' दिसे ! माते तुझ्या!!

जिवंतपणी ना !   स्वर्ग हा गाठीला  !
दर्शुनीया  तुला ! 'मी' जाणला !!

आदि-शक्ती आई ! दिव्य-शक्ती आई !
सप्तशृंगी आई ! तुझं नमो !!

प्रवीण पुकारे ! आई आई नाम !
तुझ्या चारीधाम ! चरणासी !!

[आई सप्तशृंगी यांच्या दर्शन घेतल्यावर.... ]
-प्रवीण(डेबुजी) हटकर.