प्रवीण जाणतो, वर्तन प्रभाव …

वर्तन असावे ! सदाचारी तुझे !
ढोंगी व बाजारी ! ते नसावे !!

बा … परिवर्तन ! वर्तन सुयोग्य !
नसावे अयोग्य ! आचरणी !!

वर्तन प्रकट ! बा … विचारातून !
नी आचारातून ! कृतिमय !!

वर्तन अयोग्य ! राग मनी त्यांच्या !
हात मदतीचा ! ना मिळेल !!

वर्तनी तू योग्य ! मान मिळे तुला !
हात मदतीला ! बा … देयील !!

वर्तन असावे ! शुद्ध नी निर्मळ !
हृदयी प्रेमळ ! भाव विश्व !!

वर्तनी जपावे ! मनातून मन !
एक एक जन ! जोडूनिया !!

प्रवीण जाणतो ! वर्तन प्रभाव !
सत्यार्थ स्वभाव ! समाधानी !!
 अभंग  …
-प्रवीण बाबूलाल हटकर .