-गझल-

माणसाला जाणणारा कोण आहे?
काळजाला भावणारा कोण आहे?

वेध आहे जिंकण्याचे विश्व सारे;
कासवाला हरवणारा कोण आहे?

मीच वारा, मीच पाणी, मीच अग्नी;
मोल माझे लावणारा कोण आहे?

ह्या विजांना घेत अंगी तो म्हणाला
वादळाला पेलणारा कोण आहे?

एक आहे जात सार्या माणसांची
धर्म ऐसा पाळणारा कोण आहे .

गाव माझे, शहर माझे, विश्व माझे;
'पोरका' मज ठरवणारा कोण आहे?

 -प्रविण बाबुलाल हटकर.

पत्ता : मु. पो. ता. बार्शीटाकळी,

        अकोला.

मो: ८०५५२१३२८१ 

ब्लॉग : www.gulkand1.blogspot.com