अभंग...

देवा गजानना! गुरु गजानना!
प्रगटूनी जना! उद्धारिले!!

वेश अवलिया! दिव्यसा चेहरा!
प्रेमरूपी झरा! अंतरीला!!

नासाग्रसी बुद्धी ! आचरण शुद्धी !
विचार समृद्धी ! तुझ्या ठायी !!

अन्न पूर्ण ब्रम्ह:! सांगून महत्व!
पाळूनिया तत्व! सुखी जो तो!!

एक एक गण! गणात बोवूनी!
भजन गाऊनी! दंग होऊ!!

तुझ्यात आनंद! अंतरी स्वानंद!
बा... परमानंद! मिळे आम्हा!!

जाणतो प्रवीण! बाबा तुझा मार्ग!
एक धर्म स्वर्ग! एकतेचा!!
-प्रवीण(डेबुजी) हटकर.