माणूस...

माणसा ओळख ! माणसा पाळख !
माणूस ओळख ! माणसात !!

माणसाचा धर्म ! माणसाचे कर्म !
माणसाचे मर्म ! ओळखावे !!

जातपात धर्म ! हे नाहीच श्रेष्ठ !
ऐक सर्वश्रेष्ठ ! बा... माणूस !!

जात पात धर्म ! मानव निर्मित !
स्व: स्वार्थ सेवेत ! बा... नेमिले !!

कोण भगवंत ! कुणास बोलतो !
विद्वान जन्मतो! श्रेष्ठ जाती !!

धर्म नावाखाली ! कोणी तलवार !
कुणी काढे सुरा ! कशासाठी !!

माणूस कापतो ! माणसे सर्हास !
अघोरी विश्वास ! धर्म नावे !!

ही अमकी जात ! ती टमकी जात !
ती ढमकी जात ! आरोप का...? !!

धर्म नावाखाली ! घालूनी बुरखा !!
माणूस पारखा ! माणसाला !!

पहा वारकरी ! संप्रदाय एक !
माणूस हा एक ! दाखविला !!

माणूस हा श्रेष्ठ ! तै स्व: कर्तुत्वाने !!
कुठल्या धर्माने ! नाच होई !!

खरा एक धर्म ! माणूस ओळख !
मानवा ओळख ! स्व: अंतरी !!

-प्रवीण बाबूलाल हटकर